TFL

Eglantina Bardhi është një nga themelueset e organizatës “Together for Life” dhe aktualisht mban postin e Drejtorit Ekzekutiv. Ajo ka një përvojë të gjatë si gazetare, duke mbuluar sektorin e shëndetësisë dhe çështjet sociale në gazeta si “Shekulli” dhe “Balkan” si dhe ka ndjekur trajnime në Gazetari Investigative dhe mbi disa çështje të të Drejtave të Njeriut në Institutin Shqiptar të Medias. Që nga viti 2009 ajo ka qenë përgjegjëse për menaxhimin dhe koordinimin e disa projekteve, me një fokus të veçantë në projekte që lidhen me shëndetësinë dhe median. Në vitin 2014 ajo u vlerësua nga Ambasada Amerikane në Tiranë për krijimin e Klubit të Gazetarëve për Shëndetësinë dhe Çështjet Sociale, ndërsa në vitin 2011 ishte përgjegjëse për themelimin e gazetës së parë të shëndetësisë “Shëndet+”, mbështetur financiarisht nga zyra e Organizatës Botërore të Shëndetësisë në Tiranë. Eglantina vazhdon të marrë pjesë në nivel kombëtar në forume dhe diskutime të aktivistëve që lidhen me temat në fokus të organizatës, veçanërisht shëndetësinë dhe median. Ajo ka një diplomë Master në Shëndet Publik dhe një diplomë në Drejtësi (BA) nga Universiteti i Tiranës. Ajo është vlerësuar nga USAID si krijuesja e Klubit të Gazetarëve të Shëndetit në Shqipëri, 2014; vlerësuar si Gazetarja më e Mirë e Çështjeve Sociale nga Ministria e Punës, Çështjeve Sociale dhe Mundësive të Barabarta, 2010; vlerësuar si Gazetarja e Vitit e Gazetës Kombëtare Ditore “Shekulli”, 2009; vlerësuar nga Ministria e Shëndetësisë si gazetarja më e mirë e sektorit të Shëndetësisë në Mediat e Shkruara, 2007; Klubi i Gazetarëve të Shëndetësisë, certifikuar nga USAID etj.

Reta Pinderi iu bashkua ekipit të “Together for Life” në Nëntor 2023. Ajo është diplomuar për Punë Sociale në vitin 2004 pranë Fakultetit të Shkencave Sociale, Universiteti i Tiranës. Në vitin 2008 ka përfunduar studimet Master në Punë Sociale dhe në vitin 2018 ka marrë gradën shkencore Doktor në Punë Sociale me disertacionin: “Sfidat e përfshirjes së viktimave të trafikimit të shfrytëzuara për qëllime seksuale në tregun formal të punës”. Reta ka 19 vite përvojë pune me organizata të shoqërisë civile, duke mbajtur kryesisht pozicione koordinuese. Ajo ka një angazhim 11-vjeçar si pedagoge pranë universiteteve publike dhe private në Shqipëri. Reta është një njohëse shume e mirë e praktikës së punës sociale me grupet vulnerabël, veçanërisht me gratë, të rinjtë dhe fëmijët.

Suela është diplomuar në Filologji dhe Letërsi në vitin 2003 dhe ka përfunduar një Master në Menaxhim Biznesi në vitin 2015. Ajo ka një përvojë pune prej 21 vitesh, nga të cilat 8 vitet e fundit janë në sektorin e shoqërisë civile, ku ka ushtruar funksionin e Menaxheres së Programeve dhe Menaxheres së Financës. Gjatë karrierës së saj profesionale, Suela ka ndërtuar një përvojë të konsoliduar në fushën financiare, në zbatimin e procedurave të prokurimit kombëtar dhe ndërkombëtar, si dhe në detyra të ndryshme administrative që lidhen me menaxhimin e fondeve të Bashkimit Evropian, programeve ndërkufitare IPA dhe burimeve të tjera të financimit publik. Përveç kësaj, Suela ka zhvilluar ekspertizë të thelluar në hartimin dhe zhvillimin e projekteve, me një fokus të veçantë te grupet vulnerabël, fuqizimi i komunitetit, përfshirja sociale, zhvillimi i marketingut të turizmit, si dhe në nisma që synojnë uljen e informalitetit dhe krijimin e një ekonomie të orientuar drejt tregut.

Alma Lahe është diplomuar për drejtësi në Universitetin e Tiranës dhe ka një karrierë të gjatë në administratën publike shqiptare. Për shumë vite ka ushtruar funksionin e Këshilltares së Ministrit në Ministrinë e Punës dhe Çështjeve Sociale, duke kontribuar në hartimin dhe zbatimin e politikave sociale kombëtare. Që prej vitit 2013, znj. Lahe është e angazhuar në menaxhimin e projekteve të financuara nga Bashkimi Evropian, ku ka drejtuar dhe monitoruar me sukses iniciativa që promovojnë të drejtat e njeriut dhe përfshirjen sociale. Ajo ka shërbyer si eksperte në projektin “Innoventer – Trajnim Profesional Inovativ për Sipërmarrje Sociale”, pjesë e Programit Interreg Ballkan–Mesdhe, ku ka kontribuar në zhvillimin e modeleve të reja të formimit profesional për grupet në nevojë. Me një ekspertizë të thelluar në fushën e të drejtave të njeriut, Alma Lahe ka koordinuar dhjetëra projekte kombëtare dhe ndërkombëtare që adresojnë të drejtat dhe liritë themelore të grave, fëmijëve dhe grupeve vulnerabël. Ajo ka përvojë të gjatë në fushën e mbrojtjes së fëmijëve dhe të rinjve, si në kuadër të institucioneve shtetërore përgjegjëse për politikat e mbrojtjes së fëmijës, ashtu edhe si eksperte e shoqërisë civile vitet e fundit.

Ardita Keraj (Korriku) has completed her university degree in Psychology and Master of Science in Clinical Psychology in 2012. She expanded her knowledge through a 3-year specialization in Cognitive and Behavioral Therapy, obtaining the title of Psychotherapist. Beyond private practice, she has been part of civil society since 2010 with various positions as occupational therapist, educational operator, psychologist and for many years project manager in the field of child protection, anti-trafficking of human beings, social inclusion of vulnerable groups, community empowerment, and recently in the field of health. Ms. Keraj has joined TFL as project manager of SOLIDAR-Together in health emergencies, since April 2024. She manages the program of Emergencies and Community Engagement.

Blertina Koka ushtron funksionin e Menaxheres së Projekteve për Rininë dhe Vizibilitetit në organizatën “Together for Life”. Ajo është përgjegjëse për planifikimin dhe menaxhimin e projekteve rinore në kuadër të disa programeve evropiane, përfshirë Programin Erasmus+ “Ndërtimi i Kapaciteteve në Fushën e Rinisë”, projektet e Fondacionit Evropian për Rininë (EYF), si dhe Programin Tirana European Youth Capital 2022. Me përvojë të gjerë ndërkombëtare, Blertina ka marrë pjesë në mbi 10 mobilitete në Evropë, në kuadër të programeve Erasmus+, EYF dhe European Solidarity Corps. Ajo është trajnuar dhe certifikuar për hartimin dhe zbatimin e projekteve në kuadër të ESC (24–28 shkurt 2020), si dhe si këshilluese në projektin “UpDatAed – Drejt organizatave rinore të sigurta digjitale”, mbështetur nga Këshilli i Evropës. Gjithashtu, ajo është trajnuar dhe certifikuar si trajnere dhe organizatore e sesioneve studimore dhe projekteve të mbështetura nga EYF. Në kuadër të rolit të saj në “Together for Life”, Blertina ka koordinuar disa projekte Erasmus si organizatë koordinatore dhe përfituese, të tilla si “Power on Competencies” dhe “Acting Youth GET-SMACT”. Këto iniciativa kanë synuar fuqizimin e të rinjve me më pak mundësi përmes zhvillimit të aftësive të punonjësve rinorë, përdorimit të mjeteve të reja të medias, dhe nxitjes së pjesëmarrjes aktive në jetën publike në nivele lokale, kombëtare dhe evropiane.

Redina Çuka ka përfunduar studimet Bachelor (2011 -2014) dhe Master (2014-2016) në Financë dhe Kontabilitet në Fakultetin e Ekonomisë, Universiteti i Tiranës. Me përvojë profesionale që nga viti 2015, ajo ka mbajtur role të ndryshme në fushën e financës dhe kontabilitetit. Aktualisht punon si Oficere Finance pranë shoqatës “Together for Life”, ku është përgjegjëse për mbajtjen e kontabilitetit, përgatitjen e raporteve financiare, menaxhimin e likuiditetit dhe hartimin e buxheteve për projekte. Gjithashtu, ajo siguron organizimin e dokumentacionit financiare dhe asiston në auditime për të garantuar transparencë dhe përputhshmëri financiare.

Eriselda Ndreca iu bashkua stafit të Together for Life në maj 2025, në pozicionin e Avokates dhe Koordinatores së Projekteve në kuadër të Programit “Të Drejtat e Njeriut dhe Transparenca”. Ajo është diplomuar në Bachelor dhe Master Shkencor në të Drejtë Civile pranë Fakultetit të Drejtësisë, Universiteti i Tiranës, dhe zotëron titullin Avokate. Me përvojë të gjerë në praktikën ligjore, si dhe në koordinimin dhe menaxhimin e projekteve të financuara nga Bashkimi Evropian dhe partnerë të tjerë ndërkombëtarë, ajo është e specializuar në mbrojtjen e të drejtave të njeriut për të gjitha kategoritë, duke ndërthurur ekspertizën juridike me ndërhyrjet advokuese dhe litigimin strategjik. Para se t’i bashkohej Together for Life, Eriselda ka ushtruar funksione të ndryshme në institucione dhe organizata të ndryshme, përfshirë rolin e Oficeres për Reduktimin e Çështjeve të Prapambetura pranë Gjykatës së Lartë të Republikës së Shqipërisë, Menaxheres së Projekteve pranë Qendrës Be the Change, Koordinatores së Projektit dhe Ndihmëse Avokate pranë Komitetit Shqiptar të Helsinkit, si dhe asistente pranë studiove ligjore kombëtare. Këto angazhime kanë ndërtuar një portofol profesional të pasur me ekspertizë të thelluar në fushat e të drejtave të njeriut, transparencës, llogaridhënies institucionale, antikorrupsionit dhe shtetit të së drejtës. Ajo ka përvojë të gjerë në hartimin e analizave ligjore dhe akteve procedurale, si dhe në përfaqësimin ligjor në të gjitha nivelet e gjyqësorit, përfshirë gjykatat e zakonshme dhe institucionet më të larta të drejtësisë. Eriselda është autore dhe bashkautore e disa publikimeve profesionale në fushat e ekspertizës së saj, duke kontribuar në avancimin e të drejtave themelore dhe forcimin e qeverisjes demokratike.

23 vjeç, ka përfunduar studimet e larta në nivelin Master i Integruar në Drejtësi në vitin 2024, në Fakultetin e Drejtësisë, Universiteti i Tiranës. Prej vitesh, ajo është angazhuar në shoqërinë civile, duke mbështetur kauza të ndryshme, veçanërisht ato që lidhen me çështjet studentore dhe barazinë gjinore, ku është fokusuar edhe interesi i saj më i lartë. Gjatë viteve, Kriselda ka qenë pjesë e organizatave studentore, duke luajtur një rol aktiv në mbrojtjen e të drejtave dhe interesave të studentëve. Aktualisht, ajo punon pranë organizatës Together for Life, ku mban rolin e Koordinatores së Projekteve për Transparencë dhe Llogaridhënie, duke kontribuar në forcimin e mekanizmave demokratikë dhe rritjen e ndërgjegjësimit mbi përgjegjësinë institucionale.

Enkeleda Bodini ka përfunduar studimet bachelor në Shkenca Komunikimi dhe master në Marrëdhënie me Publikun (PR) pranë Kolegjit Universitar Bedër. Ajo ka rreth 8 vite eksperiencë në fushën e medias dhe komunikimit. Në organizatën ‘Together For Life’ ka përgjegjësinë të koordinojë strategjitë e komunikimit për projektet, të cilat zbatohen për të rritur vizibilitetin dhe ndikimin në grupet e synuara.